Ефект на „мачкино око“ без шприц или нож
Дуња го испроба ТРИКОТ што го користат сите Инстаграмери на своите селфиња. Прилично бизарен тренд се шири низ огромните пространства на Јутјуб, а една слатка босанска Јутјуберка реши да го испроба на себе. Лифтинг на лице без нож или ботокс? Звучи премногу добро за да биде вистина, а ние би рекле дека е.
Иако пополнувањето на брчките со хијалуронска киселина и инјектирањето ботокс во нив е попопуларно од кога било, мудрите Инстаграмери смислија брилијантна идеја како да го добијат ефектот „мачкино око“ без шприц или нож. И тврдат дека навистина функционира!
Босанската Јутјуберка Дуња Татомировиќ (и сопруга на фудбалерот Иван Татомировиќ), која стои зад каналот „Слатко од Дуње“, реши да сними видео во кое го испробува овој бизарен трик на себе.
За оваа процедура, ќе ви треба само една цврста врвка за коса и малку нерви.
Сè што треба да направите е да зграпчите прамен коса некаде на ниво на слепоочниците, од двете страни, и цврсто да го врзете во коњска опашка одзади.
Ова веднаш ќе ги подигне вашите веѓи и очи, ќе ги стесни брчките на челото и околу очите и ќе ви даде помлад изглед.
Дуња тврди дека многу убавици од Инстаграм го користат овој трик кога прават селфиња, особено затоа што опашката на задниот дел не е видлива на фотографиите. Во реалниот живот, малку е потешко да се шетате со вака врзана коса.
Еве како изгледа на Дуња. Дали би го пробале овој трик на себе?