Снимањето на третата сезона од популарната серија „Среда“ е привремено прекинато откако француската актерка Ева Грин се повреди на снимањето.
Според информациите објавени од The Sun, 45-годишната актерка ја повредила ногата додека работела на една од сцените, поради што била однесена во болница на лекарска помош.
Поради инцидентот, снимањето било накратко прекинато, а продукцијата продолжила дури откако ситуацијата била решена.
Околностите под кои се случила повредата сè уште не се познати, ниту пак е објавено колку е сериозна.
Ниту Ева Грин ниту Нетфликс сè уште не го коментирале инцидентот.
Актерката, која на светот му беше претставена како Веспер Линд во филмот „Казино Ројал“, се приклучува на екипата во новата сезона од серијата во улогата на мистериозната тетка Офелија. Ова е нов член на семејството Адамс, за кого е најавено дека дополнително ќе ја продлабочи темната атмосфера и ќе внесе нов заплет во приказната.