Јадете ја оваа риба три пати неделно.
Не е секоја конзервирана храна лоша. Дури и научните истражувања потврдија дека конзервираната риба е здрава. А која е најдобра за вашето здравје?
Многу луѓе уживаат во јадењето сардини, туна и други видови конзервирана риба, особено за време на постот. Нутриционистката д-р Џес Кординг вели дека, според експертите, еден вид конзервирана риба е најздрав.
Докторот советува кога купувате конзервирана риба, да изберете сардини, бидејќи тие се најздрави од сите видови конзервирана риба, а се особено добри за здравјето на срцето. Таа вели дека и другите конзервирани риби се добар извор на протеини и дека употребата на конзервирана риба во исхраната има бројни здравствени придобивки: „Конзервираните сардини имаат тенденција да имаат помалку жива од многу други видови риба и се сметаат за еден од најдобрите избори за морска храна, особено ако свежата риба не ви е достапна.“
Таа истакнува дека луѓето кои јадат сардини консумираат голема количина протеини, витамин Д и антиинфламаторни омега-3 масни киселини, а маслиновото масло од конзервата обезбедува мононезаситени масти кои се здрави за срцето. Експертите препорачуваат две до три порции конзервирана риба неделно.