Ако имате неколку презреани домати кои веќе не се доволно цврсти за салата, не ги фрлајте. Тие можат да бидат одлична основа за сосови, супи, намази и многу други јадења.
Доматите брзо зреат во текот на летото, особено ако се чуваат на собна температура. Кога ќе омекнат, можеби нема да бидат најпривлечни на чинијата, но тоа не значи дека ја изгубиле својата вредност во кујната.
Еве неколку лесни начини да ги користите.
Направете домашен сос од домати
Наједноставното решение е да ги сварите доматите и да ги претворите во сос што можете да го користите со тестенини, пица или месо.
Исечкајте ги доматите и ставете ги во тенџере со малку маслиново масло. Додадете лук, сол, бибер и неколку свежи листови босилек. Гответе на тивок оган додека вишокот течност не испари и сосот не се згусне.
Ако сакате, можете да го изблендирате за да добиете целосно мазна текстура.
Брза супа од домати
Презреаните домати се идеални за кремаста супа.
Пржете го кромидот и лукот во малку масло, додадете ги сечканите домати и малку вода или супа. Зачинете со сол, бибер и босилек, а потоа гответе додека доматите целосно не омекнат.
Изблендирајте сè со рачен блендер, а за покремаста верзија можете да додадете малку павлака за готвење.
Користете ги за домашна салса
Ако сакате нешто свежо и зачинето, направете салса. Исечкајте ги доматите и измешајте го со црвен или виолетов кромид, свеж магдонос или коријандер, малку сок од лимон, сол и бибер. Љубителите на зачинети јадења можат да додадат чили пиперки.
Одлично е со чипс од тортиља, печено месо или како додаток во сендвичи.