Кажете ни дали функционира!
Со доаѓањето на постудените денови, смрдливите бубачки сè повеќе се обидуваат да си го најдат патот до топлиот дом, а еден едноставен трик би можел да помогне да ги оддалечите. Имено, се верува дека особено ги вознемирува интензивниот мирис на нане.
Свежи гранчиња од нане можете да поставите на прозорските прагови, покрај балконските врати или на други места низ кои најчесто влегуваат инсекти. Како алтернатива, можете да користите есенцијално масло од нане разредено во вода, кое можете да го користите за бришење на надворешните рамки на прозорците и вратите.
Сепак, важно е да ги проверите пукнатините околу прозорците и вратите, бидејќи преку нив смрдливите бубачки најлесно влегуваат во куќата. Ако некоја е веќе внатре, не ја гмечете – најдобро е внимателно да ја фатите со чаша или хартија и да ја изнесете надвор за да избегнете непријатен мирис.