Актерката блеска покрај своето ново момче.
Актерката Кејти Холмс (47) и уметникот Џејсон Џармоски (39) за прв пат беа видени заедно во јавност ова лето и оттогаш се неразделни. Откако заедно излегуваа, се појавуваа на јавни настани и беа на романтично патување во Италија, тие решија повеќе да не се кријат.
Двајцата брзо се зближија. Заедно беа на одмор и веќе почнаа да се појавуваат на премиери заедно, а деновиве ги гледаме и на Неделата на модата во Њујорк.
Нивната романса почна да привлекува внимание во јули, кога беа видени како се држат за раце по проекцијата на „The Invite“ во Ист Хемптон. Неколку дена подоцна , беа видени заедно на вечера во Њујорк, каде што, според очевидци, изгледаа вљубено.
Џејсон е уметник од Њујорк, а се вели дека Кејти била особено привлечена од неговата креативност и страст кон работата. Се вели дека двајцата имаат многу заеднички интереси.
Тие ја потврдија својата врска на почетокот на септември на Инстаграм. Кејти му посака среќен роденден на своето момче и го нарече „најдобриот од најдобрите“, заедно со фотографии на кои се многу блиски.
Набрзо следеа фотографии од романтично патување во Италија. Двојката уживаше на езерото Комо, а нивните заеднички фотографии привлекоа големо внимание.
Деновиве, тие се појавуваат заедно на Неделата на модата во Њујорк, и секој пат имаат исти стилови.
Едно е очигледно: новата љубов на Кејти Холмс не престанува да ја интригира јавноста. Таа изгледа среќна, двојката се појавува заедно сè почесто, а нивната романса привлекува сè поголемо внимание секој ден.