Поради топлината, влажноста и слабата циркулација на воздухот, бањата е едно од местата каде што мувлата најлесно се појавува.
Сепак, една едноставна навика, која се применува по секое туширање, може да помогне да се спречи нејзиното создавање.
Ова подразбира бришење на влажните плочки и стаклените површини на туш-кабината со помош на гумен бришач за стакло. На тој начин се отстранува вишокот вода пред таа да се задржи на површините, со што се намалува влагата што го поттикнува развојот на мувла.
Овој процес трае само две минути и, во комбинација со редовно проветрување, може значително да помогне бањата да остане сува. Бришачот исто така спречува појава на траги од вода и наслаги од бигор на стаклото.
Дополнително, влажноста во просторијата може да се намали со користење на одвлажнувач на воздух, особено во текот на зимата и кога алиштата се сушат во затворен простор. Исто така, може да помогнат и сода бикарбона или крупна сол, доколку се стават во близина на изворот на влага и редовно се менуваат.
За отстранување на бигорот од стаклото може да се користат сок од лимон и сода бикарбона, кои помагаат во разградувањето на наслагите и остатоците од сапун.