Деветата сезона од популарната серија „Два и пол мажи“ започна да се емитува од понеделникот на канал CBS.
Во серијата за прв пат се појави Ештон Качер, кој го заменува познатиот Чарли Шин. Ештон уште во првата епизода влета со стил – целосно гол. Актерот како и на плакатот кој ја најавува новата сезона, така и во серијата се соблекува и го покажува голото тело, но најинтимните делови сепак не се најдоа во кадар.
Претходникот на Ештон, Чарли Шин, кој неславно ја заврши својата кариера во серијата и чиј лик трагично настрада под воз, на својот Твитер напиша дека серијата со Ештон многу му се допаднала.
– Ја гледав премиерата со пријателите. Малку ми е чудно, но забавно е, – напишал Чарли, а потоа додал: „Се паѓаме од смеа“.
На Ештон по сè изгледа не му претставува никаков проблем да се соблекува гол и да го покажува своето тело. Како што сите добро се сеќаваме истото го стори и во емисијата на Елен Де Женерес.
http://www.youtube.com/watch?v=cIR1vAX9XCk&feature=player_embedded