Друштвените мрежи виновни за една петтина од разводите во САД

Фејсбук, Твитер, МајСпејс, но и останатите друштвени мрежи на Интернет се виновни за околу една петтина разводи на бракови во САД, рекол потпретседателот на американската академија за семејни адвокати (ААМЛ) во Њујорк, Ален Мантел. Според него, социјалните мрежи им овозможуваат на луѓето полесно да го докажат неверството на своите партнери. “Не дојде до пораст на случаите на брачно неверство, туку Фејсбук, МајСпејс или Твитер, им овозможуваат на луѓето полесно да го докажат неверството на својот партнер“, рекол Мантел. ААМЛ во своето истражување открива дека од неверствата докажани со комуникација преку Интернет 66 отсто припаѓа на Фејсбук, 15 на МајСпејс, 5 на Твитер, а остатокот на малку познатите мрежи.

Извор: Нетпрес