Крај на кериерата за Јао Минг?

Кариерата на кинескиот центар Јао Минг е во сериозна опасност откако неговиот клуб соопшти дека Минг повторно има фрактура на левиот глужд. Како што соопшти лекарскиот тим на Хјустон, новата повреда е директно поврзана со старата, поради која Кинезот мораше да паузира цела една сезона. Многумина уште тогаш стравуваат дека уште една повреда на овој играч, кој беше прв пик на драфтот во 2002 година, би можела да ја запечати неговата кариера, бидејќи незгодни се фрактурите на глуждот и се повторуваат низ годините. Минг изјави дека во договор со својот личен лекар ќе се обиде да најде најдобро решение.