Луѓето кои најмногу заработија во 2010

Годината изминува и веќе почнаа да се прават листите со луѓето кои ја одбележаа 2010, во однос на заработувачката. Иако не се разликува многу од онаа направената лани, сепак има и некои новости. На листата на луѓе кои повеќе не се на овој свет, а оствариле најголема заработувачка, врвот го зазема Мајкал Џексон. Од музичарите, на врвот на листата за луѓето од шоубизнисот е Бијонсе со заработени 87.000.000 долари, која се најде на 9 место. На оваа листа Лејди Гага го има 14 место со заработени 62.000.000 долари. Бритни Спирс го има 13 место со 64.000.000 долари. Од музичарите на листата се најдоа и Мадона со 58.000.000, Тејлор Свифт со 45.000.000 долари. Бидејќи оваа листа не се однесува само на музичарите, туку на сите луѓе од шоубизнисот, очекувано беше првото место да и припадне на Опра со заработени 315.000.000 долари во 2010 година. Додека на второто место е режисерот на Аватар, Џејмс Камерон со заработено 210.000.000 долари.