Неуништливиот Берлускони

Италијанскиот премиер Силвио Берлускони го преживеа вчерашното, досега најнеизвесното гласање за доверба на неговата влада. За подршка на владата гласале 314 пратеници, додека за смена на владата гласале 311, а двајца биле воздржани. Вчерашното гласање за доверба на владата, беше проследено со инциденти, внатре во парламентот и на самите улици низ градовите на Италија. За време на седницата избила тепачка помеѓу еден пратеник од коалицијата на власт и друг од опозицијата, али избувнување на поголем инцидент го спречиле останатите парламентарци. Во Рим околу 100.000 луѓе, поголем број на студенти и средношколци протестираа против владата и реформите во високото образование. Демонстрантите фрлале димни бомби и петарди извикувајќи дека Берлускони треба да си поднесе оставка. Центарот на престолнината бил преполн со полицијаци кои го блокирале пристапот до Сенатот и Парламентот. Демонстрации се одржале и во Палермо, Милано, Наполи, Торино, Џенова.