Пивото заслужно за настанокот на цивилизацијата

Со текот на вековите пивото ги зближувало луѓето и ги создавало пријателставата. Денес научниците сметаат дека токму тој омилен пијалок е виновникот за настанување на цивилизацијата. Археолозите веруваат дека уште пред 11.500 години во времето на неолитот почнало одгледувањето на житните култури и тие тогаш немале удел во исхраната туку биле одгледувани за произведување на овој пијалок. Производството ги натерало на организација, зближување и потоа ги собирало на прославите, изјави Брајан Хајден, археолог од универзитетот Симон Фрејзер во Канада. Според него, пиењето, дружењето и вмрежувањето се некаков вид на прв чекор кон создавањето на комплексни општества и, во крајна линија, раните цивилизации.