Продолжен притворот на Јован Вранишковски во Бугарија

Продолжен е рокот на задржување на архиепископот Охридски и Митрополит Скопски Јован на 72 часа, пишува на интернет страницата на т.н. Православна Охридска Архиепископија. Јован Вранишковски беше уапсен на граничниот премин Калотина на границата меѓу Србија и Бугарија. По истекот на притворот од 24 часа, сега тој му е продолжен на 72 часа. Тоа било потребно за завршување на целата постапка со правните формалности. Според објавеното на интернет страницата, тој имал две ослободителни пресуди, а во еден процес бил осуден во отсуство. Јован Вранишковски бил уапсен на границата на барање на Интерпол.

Извор: Нетпрес www.netpress.com.mk