Важноста на витаминот К

10 ноември, 20100

Витаминот К е еден од витамините кој е растворлив во масти и го има во три различни форми кои меѓусебно се многу слични. Една од основните негови функции е да ги уништува бактериите во дебелото црево. Но има и друга многу важна функција, а тоа е згрутчување на крвта со што би се спречило крварењето. Тој има клучна улога во спречувањето на коронарните срцеви заболувања. Ја извршува оваа задача со држење на калциумот далеку од ѕидовите на артериите. Кога калциумот не е присутен, тој не може да ги оштети ѕидовите или да ги блокира артериите или ткивото околу нив. Користење на витаминот К може да го регулира нивото на калциум и да го намали ризикот од создавање на бубрежни камења. Овој витамин го има најмногу во лиснатиот зеленчук, па не заборавајте да користите спанаќ, кељ, брокула, карфиол, зелка, коприви, а го има и во сојата. Препорачаната дневна доза на витамин К е 80 микрограми за мажи, а за жени 65 микрограми дневно. Симптомите кои ни укажуваат дека имаме недостаток на овој витамин се појава на лесно прокрвавување кое трае долго и обилно, многу лесно се појавуваат модринки. Кај лицата со недостаток на овој витамин и лесните повреди можат да бидат многу сериозни.

Leave a Reply

Your email address will not be published. Required fields are marked *