Викиликс ги објави документите: Саудијците барале напад врз Иран

Интернет страната Викиликс сепак објави повеќе од 250.000 тајни документи пратени од американските дипломатски преставништва, кои се занимаваат со актуелните глобални проблеми. Бидејќи страната е под постајан напад, документите ги доставиле до “Њујорк тајмс“, “Гардијан“, “Ел Паис“, “Де Шпигел“ и “Ле Монд“.
Документите содржат извештаи од арапските земји, меѓу кои и оние од Саудиска Арабија во кои од САД се бара напад на Иран и укинување на нивната нуклеарна програма. Во еден извештај се наведува дека Иран е фашистичка земја и дека итно треба да се преземат нови мерки. Во документите исто така се споменуваат многу светски државници. На пример за Владимир Путин се вели дека е “алфа мажјак“, а за германската канцеларка Ангела Меркел дека е некреативна и дека избегнува ризици. Се споменува и недолично однесување на еден член на британското кралско семејство.

Извор: Нетпрес