Завршува македонското претседавaње во Советот на Европа

Во Стразбур денеска треба да се одржи состанок на Комитетот на министри на Советот на Европа на кое Македонија ќе треба да изврши примопредавање на претседавањето со Комитетот на министри на Турција. Македонија го завршува шестмесечното претседавање со раководниот орган на најстарата пан-европска организација за заштита на човековите права, демократијата и владеењето на правото. Министерот за надворешни Антонио Милошоски во својство на претседавач со Комитетот на министри ќе има свое излагање во кое ќе направи преглед на активностите и настаните кои македонското претседателство ги реализираше во изминатиот шестмесечен период. Примопредавањето на претседавањето се совпаѓа и со одбележувањето на 15-годишнината од пристапувањето на Република македонија кон Советот на Европа, за што ќе биде организирана пригодна свеченост.