“Давид” организира протести во Хрватска, се противат на доаѓањето на Папата

Здружението на граѓани за заштита на човековите права “Давид” организира протести кои се закажани за трети јуни, како знак на револт и незадоволство за престојната посета на Папата Бенедикт Шеснаесети и заради незадоволство од хрватските власти. Граѓаните сметаат дека државата штеди на населението, а се расфрла со пари за посета на еден човек.

Здружението најави протести бидејќи смета дека Католичката црква која е изградена од парите на народот, се однесува арогантно и неморално. Тоа го поттикнува незадоволството кај граѓаните, и затоа ние ги повикуваме сите граѓани на протестите кои ќе се одржат на Цветниот пазар со почеток во 18:00 часот, порачале од Здружението. Инаку посетата на Папата е најавена за 4 и 5 јуни, при што поглаварот на Римокатоличката црква ќе се сретне со државниот врв, јавните личности и верниците на два молитвени клуба. Најавата на посетата предизвикала контроверзии, а најмногу поради трошоците кои се направени за неговото доаѓање, кои медиумите проценија дека изнесуваат до 6 милиони евра.