Иранскиот претседател Махмуд Ахмадинеџад во Њујорк го повика НАТО да ги повлече своите воени сили од Персискиот Залив, оценувајќи дека тие претставуваат закана за безбедноста во регионот.
Ахмадинеџад одговорил на прашањето за можен за конфликт во Персискиот залив кое му било поставено на прес-конференцијата за новинарите што се одржала за време на Генералното собрание на ОН.
“Добредојдена е секоја мерка што ќе спречи потенцијален конфликт. Но мислам дека не треба баш поради тоа да дојде до некој конфликт”, изјавил иранскиот претседател, додавајќи дека најдобро решение во моментов е заминување на странските воени сили од Заливот.
САД и Европската унија изминативе години го засилиле своето присуство во Заливот. САД има база во Бахреин, а Франција во Абу Даби, на околу 250 километри од иранскиот брег.
“Земјите во регионот можат сами да си ја осигураат својата безбедност”, изјавил Ахмадинеџад, додавајќи дека Иран ќе ја надгледува безбедноста во регионот кога ќе заминат силите на НАТО.