ALCO

ALCO, е американска компанија која се занимавала со изработка на локомотиви во текот на раните 1900-ти. Таа била формирана во 1901 година преку спојување на неколку помали производители на локомотиви, односно најмалку осум компании. Седиштето се наоѓало во Шенектади, Њујорк. Овој монопол продолжил да расте и на крајот оставил многу други конкурентни компании надвор од бизнисот.

Во 1906 година тие почнале да експериментираат и во други области како што се автомобилската. Тие купувале лиценци за производство на “Berliet” дизајн на автомобили. Француски базираниот Berliet бил формиран во 1894 година од Мариус Берлиет кој започнал да експериментира со автомобили. Тој произвел автомобил со еден цилиндар во 1895-та година, а потоа и  двоен-цилиндричен модел во 1900-та година. Ова довело до верзија со четири цилиндри и на крајот во производство на поголеми количини. До 1905 година биле произведувани 300 автомобили годишно и персонал од 250 вработени.