Најголема пирамида од картонски кутии во светот

Во Кувајт повторно беше срушен уште еден гинисов рекорд. Овојпат станува збор за најголемата пирамида од картонски кутии во светот, а за нејзина изградба беа употребени неверојатни 51 953 кутии од парфем.

Оваа пирамида е дело на групата Habchi&Chalhoub во соработка со брендот на парфеми Paco Rabanne. Со оваа пирамида тие успеаја да го срушат претходниот гинисов рекорд од 43 147 кутии, кој беше поставен минатата година во Турција.

За пирамидата, која е висока неверојатни 3 метри и покрива површина од 36 метри квадратни, беа потребни 20 луѓе кои работеа 32 часа за да ја изградат. За пирамидата беа употребени картонски кутии од познатиот парфем One Million од брендот Paco Rabanne.