Анџелина Џоли во посета на Турција

Актерката и амбасадорка на добра воља на УН, Анџелина Џоли оваа недела ќе слета во Истанбул. Таа во Турција ќе оди со цел да ги посети бегалците од Сирија. Тие се сместени во три кампа во близина на турската и сириската граница. Таму во моментов престојуваат околу 8.500 сиријци кои побегнале од својата држава заради антивладини немири.

Актерката Анџелина Џоли добила дозвола од турската власт да ги посети бегалците. Турскиот министер за надворешни работи ја потврдил информацијата дека Џоли доаѓа во Турција, само не ја кажал датата на нејзиното пристигнување. Таа треба да слета во Истанбул, а потоа ќе оди во Хатај.