Берлускони се јавил во емисија во живо и го навредувал водителот

На контроверзниот италијански премиер Силвио Берлускони не му се допаднала емисијата во која тема била неговото плаќање на проститутките за секс па се јавил во живо и го навредувал водителот на шоуто. Берлускони на водителот Гад Лернер му рекол дека води “телевизиски бордел“. По двоминутното навредување, Берлускони без поздрав го прекинал разговорот. “Ја гледам вашата одвратна емисија“, рекол Берлускони кога се јавил додавајќи дека таа емисија е вредна за презир и одбивање, по што бил прекинат од водителот.“Добро, сега веќе доволно не навредивте“, рекол Лернер. Расправијата помеѓу Берлускони и Лернер продолжила, а Берлускони побарал од Ива Заничи, членка на Европскиот парламент, да си оди од емисијата. Тогаш водителот го замолил да се смири. “Ве молам да внимавате на тонот со кој говорите“, му рекол Лернер на што Берлускони ја спуштил слушалката.

Извор: Нетпрес