Бил Гејтс протеран од Бразил

Американскиот милијардер и основач на “Мајкрософт“, Бил Гејтс, бил протеран од Бразил, каде го минувал својот одмор, јави АФП, повикувајќи се на информација на бразилската полиција, пренесува Нетпрес.

Заедно со Гејтс, Бразил морале да го напуштат уште неколку негови пријатели, со кои заедно престојувал. Сите биле уапсени додека пловеле по реката Рио Негро, најголема притока на Амазон. Проблемите настанале кога надлежните бразилски служби ги сопреле и им извршиле контрола. Било утврдено дека ниту еден член на екипажот на пловилото на Гејтс немал потребни документи за работа.

Бил Гејст и неговите пријатели немале проблем со нивната документација-сите имале туристички визи за престој во Бразил, што не било случај со членовите на екипажот, кои биле Бразилци.

Според бразилските закони, казниво е искористување на работна сила во оваа земја од страна на странци. Па, поради тоа, Гејст и неговите пријатели биле парично казнети и им било наложено да ја напуштат земјата во рок од три дена.