Бомбардиран тунел во појасот Газа

Израелските воздухопловни сили бомбардирале еден тунел во појасот Газа, откако една мина и ракета биле испукани од палестинската територија на југот на Израел.

Израелската армија соопштила дека тунелот го користеле терористички организации во појасот Газа за да се префрлат во Израел и да изведуваат напади на војници и израелски граѓани.

Извештај за жртви во најновата израелска одмазда немало.

Исламистичкиот Хамас владее со појасот Газа од јуни 2007 година, кога на сила ја презеле контролата од силите на локалните и умерени Фатах.

Насилството во газа ескалирало претходно во март, кога припадници на Хамас пукале преку границата на израелски училишен автобус кој фатално ранил еден тинејџер.

Израел одговорил со воздушни и копнени удари во кои загинале 19 палестинци.