Бразилците не чуле за барок

Чудесна вертикална структура која во исто време е и опсерваторија и визуелен знак за добредојде на сите кои ќе доаѓаат во Рио де Жанеиро, било по воздушен, било по поморски пат, ќе биде изградена на островот Котонтуба по повод Олимписките Игри во 2016 год.
Проектот е дело на тим од Цирих, а ќе користи соларна енергија која ќе биде користена за пумпање на вода од морето.
Од содржини, овој објект покрај опсерваторијата, ќе има и кафе амфитеатар, шеталиште, продавници, лифтови кои ќе водат на покривот од каде се пружа извонредна глетка и платформа за банџи скокови.
Проектантски е предвидено тука да биде запален и олимпискиот оган, што е за сега спорно. Градските власти се залагаат за традиционалното палење на стадионот на кој ќе бидат започнати игрите.