Britney Spears остана без кореограф пред големата турнеја

Овие денови Britney се соочува со тешки проблеми. Таа оддамна ја најави својата голема турнеја, но сега пред самиот нејзин почеток нејзиниот кореограф даде отказ. Brian Friedman, долгогодишниот нејзин кореограф со кого има соработувано за досегашните концерти, видео записи и сите настапи во живо одлучи токму сега да се повлече.

Тој на својот профил на Twitter објавил дека нема повеќе да работи со неа и нема да ја спрема за престојната турнеја затоа што во термините кои Britney ги сака тој има други обврски. Но, ги повикал своите пријатели да присуствуваат на концертите на Britney кои се закажани за летово.