Челзи Клинтон се разведува по шест месеци брак
4 февруари, 20110
Челзи Клинтон, ќерката на поранешниот американски претседател Бил Клинтон и на актуелниот државен сектетар на САД, Хилари Клинтон се разведува по само шест месеци брак со банкарот Марк Мезвински, објавува “Нешнал енквајер“, пренесува Нетпрес.
Според медиумот, Челзи и Марк во изминатиот период имале жестоки расправии поради желбата на единицата на Бил Клинтон да го прошири семејството. Наводно, Челзи била таа која очајно сакала да роди дете, идеја што на нејзиниот сопруг не му се допаѓала бидејќи во иднина тој како татко ќе морал слободното време да го минува со семејството.
Желбата на Челзи да роди бебе се поклопувала со таа на татко и Бил, кој веднаш по венчавката изјавил дека едвај чека да стане дедо.
Во меѓувреме, сопругот на Челзи, дал отказ на работното место инвестиционен банкер и најавил дека следните три месеци ќе размисли за барањата на неговата сопруга, како би можел да го спаси бракот.
Челзи и Марк се венчаа пред шест месеци, а нивната раскошна свадба чинела пет милиони долари. Тамошните медиуми венчавката ја опишувале како кралска, а парот по свадбата живеел на Петтата авенија во Њујорк.
Парот важел за многу примерен, иако таткото на Марк бил поранешен републикански конгресмен, кој минал пет години во затвор поради измами.