Dell таблет само за кинезите

Dell Streak Pro, 10 инчен таблет на Android, од денеска ќе може да се купи само во Кина. Најавите за овој таблет се појавија во мај месец, а станува збор за уред кој тежи 727 грама, со 10 инчен екран, двојадрен процесор Tegra на 1GHz, предна камера со 2 и задна камера до 5 мегапиксели. Streak Pro времетраењето на батеријата му е 12 часа.

Според податоците од вториот квартал оваа година, најдоминантен таблет на кинескиот пазар е iPad, со 74% удел, а споменатиот Dell Streak ќе му биде меѓу другото конкурентен и во цената, бидејќи ќе биде поефтин од најефтината верзија на таблетот на Apple.

“iPad е скап и неможе сите да си го дозволат“, изјавил Мајкл Тејтлмен, еден од потпретседателите на компанијата Dell.

Dell Streak 10 Pro ќе биде достапен само во Кина.