Џоли преплашена од своето сценарио!

Холивудската актерка Анџелина Џоли открила дека била  многу исплашена кога го пишувала сценариото за своето прво режисерско деби, кое го снимаше во Босна и Херцеговина, под наслов „Во земјата на крв и мед“. Таа го опишала целиот процес на пишување како премногу „личен“.

„Цел живот кажувам туѓи зборови“, изјавила Џоли.

„Никогаш не сум напишала ништо. Да седнете и да ги ставите зборовите на хартија е страшно, бидејќи тоа пред се е премногу лично“, додала популарната актерка.

Нејзиниот филм е љубовна приказна за двајца млади за време на војната во Босна во деведесеттите години. Минатиот месец на филмскиот фестивал во Сараево Џоли доби награда „Срцето на Сараево“ поради нејзиното режисерско деби.