Џорџ Клуни во Судан се заразил со маларија

Џорџ Клуни се заразил со маларија за време на неговата посета во Судан на почетокот на овој месец. Веста и официјално била потврдена од неговиот портпарол Стен Розенфилд кој истакнал и дека Клуни веќе се чувствува подобро. “Џорџ се излечи од болеста со која се зарази за време на својата посета на Судан. Ова е втор пат за него да се зарази со оваа болест. Ова само покажува како со соодветните лекови, една од најсмртоносните болести во Африка може да се излечи и со 10 дена одмарање наместо да згасне нечиј живот“, изјавил Розенфилд. Оваа вест ги преплави медиумите откако новиот водител на Си-Ен-Ен Пирс Морган, напишал на својот “Твитер“ профил дека при интервјуто со Клуни тој примал лекови против маларија.