Глумецот Бранко Џуриќ Џуро ја криеше информацијата за посетата на Анџелина Џоли во Бриони, како што тој вели, дури и од своите најбликски пријатели.
Тој како еден од актерите во филмот на режисерското првенче на Џоли – „Во земјата на крвта и медот“, ни открива за неговото искуство и дружбата со холивудската дива. Џуро открива каков однос тој изградил со фамозната Џоли, но и тајната која ја чувал т.е за нејзиниот престој во Хрватска.
Првиот состанок на Џуро со Џоли е уште во Лос Анџелес, кога тој бил на тонско снимање за филмот. Таму тие ја гледале и првата проекција на филмот, но неизбежна била и дружбата која траела десет дена.
За доаѓањето во Бриони, Џоли го известила Бранко, кој освен на неговата жена, не спомнал на никој друг, бидејќи последниот пат кога Џоли се најавила, сите дознале и настанал „општ хаос“ така да била невозможна нејзината посета на Хрватска.
За своето пријателство со Џоли, Бранко вели дека сеуште не може да процени на кое ниво е , зошто сепак тие се знаеле само година дена, но овојпат не сокри за непосредноста, добрината и племенитоста на Џоли, а и за нејзиниот Бред.
Џуриќ како за крај го открива и пријателството на Џоли со Хрватскиот претседател, Иво Јосиповиќ, и напоменува дека овие две личности добро се разбираат и надополнуваат така да сигурно ќе испадне некоја хуманитарна соработка во иднина.