Ејпл за прв пат во 20 години со поголема заработка од Мајкрософт

Падот на заработката на “Мајкрософт“ во првиот квартал од 2011 година ја остави компанија зад “Ејпл“ по прв пат во 20 години.
Компанијата “Ејпл“ во првиот квартал од 2011 година остварила профит од 5, 99 милијарди долари што е повеќе од заработката на “Мајкрософт“ која изнесува 5,2 милијарди долари.
Причината за тоа, според американските аналитичари, е тоа што “АјПад“ успеа да заземе дел од пазарот на класичните компјутери и се’ поголем број на купувачи на истите.
Со одличната продажба и на “АјФон“ , “Ејпл“ сега е третиот најголем продавач на мобилни телефони во САД со 14 отсто од пазарот.

Извор: Нетпрес