Студиото Дримворкс се откажа од снимањето на “Southpaw”, кој требаше да биде враќање на Еминем на големото платно по една деценија одсуство.
Како што пренесува Ем-Ти-Ви (МТВ) снимањето требало да започне во 2012 година, но студиото се откажало од проектот. Причините за оваа одлука не се официјално соопштени, но најверојатно е заради тоа што Дримворкс во план има премногу филмови за бокс и други форми на борба.
Филмот “Southpaw” беше најавен како приказна за еден боксер кој треба да ја надмине повеќе несреќни околности за да се врати на врвот. Улогата на Еминем е опишана како “боксер кој доаѓа до титулата, но потоа му се урива целиот свет заради трагедија.”
Американскиот рапер дебитираше во филмот “Осум милји” од 2002 година кој е делумно и автобиографска приказна. Постои можност да филмот, кој требаше да го режира Антони Фугуа (Ден за обука) го превзеде друго студио.