Ен Хатавеј е новата жена мачка

Веќе и официјално е потврдено дека актерката Ен Хатавеј ќе ја игра Селина Кајл, жената мачка во филмот на Кристофер Нолан “The Dark Knight Rises”. Вест и официјално ја објави Варнер Брос, како и дека во филмот ќе настапи и Том Харди. Филмот ќе треба да се појави на 20 јули, а режисерот изјави дека дополнувањето на актерската екипа со Ен Хатавеј е одлична можност за соработка. За изборот на жената мачка се спомнуваа и имињата на неколку други актерки меѓу кои, Кира Најтли, Рејчел Вајс. Наоми Вотс, Натали Портман, но очигледно е дека Ен ги надмина своите конкурентки.