Федерер: Џокович следен број 1

Швајцарскиот тенисер Роже Федерер, денеска изјавил дека првиот рекет на Србија, Новак Џокович има голема шанса да за прв пат во кариерата го завзема местото број 1 на листата на најуспешни играчи во светот (ATP).
“Јас мислам дека Џокович е следниот рекет број еден во светот, иако доаѓа сезона на играње на земја чија специјалност му припаѓа на Надал“, изјавил Федерер.
“Мислам дека порастот на Џокович започна на Отвореното првенство во САД минатата година, иако тогаш загуби од Надал“, рекол Федерер, додавајќи дека тој пораз позитивно влијаел на српскиот тенисер.
“Џокович успеа да ме совлада во последните три натпревари. За разлика од порано, Џокович сега не пропушта шанси“, кажал Федерер.