Галијани: Се уште ја немаме освоено титулата

Подпретседателот на Милан, Адријано Галијани, сака да ја спушти тензијата, бидејќи многумина веќе ги направија и шампиони на Италија. Тимот на Масимилијано Алегри е шест бодови пред тимот на Наполи, на само уште пет дуели до крајот на сезоната. Милан е многу блиску до освојување на првото ‘Скудето’ по 2004-та година, но Галијани подсетува дека ништо не е готово додека тоа не се потврди и теоредски. “Ова беше доабр викенд за нас, но мораме да останеме мирни и сталожени. Не чека важен натпревар во сабота против Бреша. Ако победиме тогаш работите ќе станат појасни” изјави Галијани. По дуелот со Бреша на Милан до крајот ќе му останат уште дуелите со Болоња и Каљари на домашен терен, како и двете тешки гостувања кај Рома и Удинезе.

Извор: Нетпрес