Гинисов рекорд за објавата на Твитер дека Бијонсе е бремена

Објавата дека поп пејачката Бијонсе е бремена го сруши гинисовиот рекорд за најмногу Твитер постови по секунда.

Познатата ѕвезда објави дека таа и нејзиниот сопруг Џеј Зи го очекуваат првото дете на концертот на MTV музичките награди. Според официјалните податоци, оваа објава предизвика лавина на рекации на социјалната мрежа Твитер, каде бројот на постови достигна до неверојатни 8868 постови во секунда.

Со ова беше срушен претходниот рекорд, кој беше поставен веднаш по финалето на Светскиот Куоп на женски фудбал, кој се одигра помеѓу репрезентациите на Јапонија и САД. Тогаш беа испраќани 7196 постови во секунда. На второ место беа постовите веднаш по натпреварот на Копа Америка, кога Бразил изгуби од Парагвај со 7166 постови во секунда. На трето место, со 6939 постови во секунда, се најде периодот веднаш откако во Токио беше дочекана новата 2011 година. На листата на топ пет најпостирани вести се најде и катастрофалниот земјотрес во Јапонија и смртта на Осама Бин Ладен.