Ѓоковиќ шампион на Вимблдон!
3 јули, 20110
Новак Ѓоковиќ – Рафаел Надал 6:4, 6:1, 1:6, 6:3
Новак Ѓоковиќ го освои овогодинешниот Вимблдон и така стана првиот Србин кој стигнал до титулата во Лондон во поединечна конкуренција, откако во финалето го совлада Шпанецот Рафаел Надал со 3:1 во сетови.
Ѓоковиќ со самиот пласман во финалето си го обезбеди себе си првото место на светската ранг листа (АТП), која ќе биде објавена утре. Надал падна на втората позиција.
Ова беше 28. меѓусебен дуел на Ѓоковиќ и Надал, а Шпанецот води со 16:12 во победи. Сепак, за Ѓоковиќ ова е петти триумф во низа.
За Ѓоковиќ ова е прв трофеј на Вимблдон, вкупно 26. во кариерата.