Годишнина од смртта на Јосип Броз Тито

Денес се навршуваат 31 година од смртта на Јосип Броз Тито, кој бил повеќегодишен претседател на Сојузот на комунисти на Југославија и СФРЈ.

Се очекува негови сопартијци и следбеници од сите краеви на некогашна Југославија да ја одбележат смртта на Тито со полагање венец со свежо цвеќе и оддавање почит во “Куќата на цвеќето“ во Белград.

Лидерот на југословенските комунисти и доживотен претседател на Југославија починал на четврти мај 1980 година во Љубљана, а погребан е четири дена подоцна во “Куќата на цвеќето“, во Белград.