Хју Грант стана татко за прв пат на 51 година. Британскиот актер добил ќерка, но на јавноста не сака да го открие идентитетот на мајката. Детето се родило во почетокот на октомври. “Можам да потврдам дека Хју Грант е пресреќен. Тој и мајката на детето имаа кратка љубовна афера. Иако не планирал дете, тој е навистина среќен и ја дава својата поддршка. Тој и мајката разговараа за се и се во добри пријателски односи”, изјавил портпаролот на Хју Грант. Актерот има репутација како женкар, тој беше во врска со Елизабет Харли и Џемима Кан, а во април се шпекулираше дека е во врска со убава кинеската актерка Тинглан Хонг. “Тој ќе биде добар татко. Тој веќе не е во врска со мајката, но е многу среќен”, изјави изворот.