Хрват добил 75.000 долари од Мајкл Џ. Фокс да најде лек против Паркинсова болест

Американската фондација на актерот Мајкл Џ. Фокс донирала 75.000 американски долари на хрватскиот научник Фрањо Боровеќ за да пронајде лек против Паркинсовата болест. Хрватскиот научник веќе го започнал истражувањето кон пронаоѓање на лек против Паркинсовата болест а актерот Фокс само му помогнал да го продолжи истражувањето бидејќи и самиот тој боледува од оваа болест. Фондацијата од основањето во 2000 година поделила околу 205 милиони долари од кои последните 75.000 долари на хрватскиот научник со ветување дека доколку до крајот на годината резултатите бидат добри, повторно ќе добие пари. Хрватскиот научник изјавил дека е многу тешко да предвиди колку време ќе му биде потребно да дојде до лекот, но и дека најверојатно ќе требаат околу седум до десет години.

Извор: Нетпрес