На крајот на март месец оваа година од компанијата HTC најавија доаѓање на моделот EVO 3D на европскиот пазар, но без прецизирање на точниот датум.
Сега се знае дека тоа ќе биде во месец јули, кога, според наводите ќе биде достапен во поголемиот дел низ земјите во Европа. Карактеристиките на овој паметен телефон се, Android платформа, екран од 4,3 инчи кој дава содржини во 3D без потреба од специјални очила, qHD 540×960 резолуција, двојадрен процесор на 1,2GHz и со 1GB RAM меморија. Има предна камера од 1,3 и задна со резолуција од 5 мегапиксели, способност да снима HD видеа со 720p резолуција.