Реномираните автомобили како Ferrari, Porsche, Lamborghini, Buggati и други ќе добијат многу јака конкуренција. И тоа од Словенија! Станува збор за автомобилот Shayton.
Името Shayton е индијански збор кој во превод значи “Сокол”, кој исто така ќе биде лого на компанијата. Спортското купе ќе се вика Equilibrium и ќе изнесува околу 1 милион евра. Автомобилот ќе има V12 мотор со 1,084 коњски сили и 930 Nm вртежен момент (686 lb-ft) на 5.000 вртежи во минута.
Shayton Equilibrium ќе биде изработен од алуминиум, карбонски влакна и титаниум, и неговата тежина ќе изнесува 1200 кг. Максималната брзина која ќе може да ја достигне се неверојатни 400 km / h (249 mph), додека 100 km / h ќе развие само за 2,9 секунди, а 200 km / h за само 8,5 секунди.
Креатор на овој прекрасен автомобил е словенечкиот дизајнер Андреј Стант.
Компанијата планира да произведе и продаде околу 20 автомобили годишно.