Интервју со Мартин и Стефан од “Next Time”

1. Интересни спомени од детството?

-Ретко се прибиравме дома:-) како и сите други деца, сакавме што повеќе време да поминуваме играјќи фудбал, што значи како убави спомени би ги идвоиле дружбата и другарите.

 

2. Каде го завршивте основното образование?

-Оу.Лазо Ангеловски во Ново Лисиче

 

3. Се сеќавате на вашата прва љубов?

-Секако дека се сеќаваме, меѓутоа незнаеме дали они се сеќаваат на нас 🙂

4. Кога ви се појави желбата за да се занимавате со музика?

-Желбата се појави во раните детски денови, со нашето појавување на аудицијата во Златно Славејче 95 год.

 

5. Колку ви се смени животот откако станавте популарни?

-Се трудиме да останеме истите Мартин и Стефан кои луѓето не знаеја и пред Next Time, меѓутоа се повеќе внимаваме на односот во јавност, затоа што треба да им бидеме пример на оние што не следат и почитуваат.

 

6. Дали можеби поради кариерата ги запоставивте вашите пријатели?

-Се разбира дека не, со оние неколку вистински пријатели сме секојдневно во контакт.

 

7. Имате многу обожавателки, како се справувате со нив?

-Се додека ги има ќе ни биде драго, достапни сме за сите нив.

 

8. Како треба да изгледа девојката од вашите соништа?

-Како на сон!!! 🙂

 

9. Ќе ни откриете ли детали од вашиот љубовен живот?

-Се разбира дека нема 😉 меѓутоа убаво е кога човек има љубов во себе.

 

10. Бидејќи сте релативно млади, се надевам дека повеќе експериментирате…кое е најоткаченото место кад е што сте воделе љубов?

-Мислам дека ове е премногу приватно прашање 🙂

11. Дали би простиле неверство?

-Никако!!!

12. Со што се занимавате периодов, музички планови ?

-Во моментов сме во подготовка на новиот албум, кој треба да излезе на музичкиот пазар во средината на септември. Планираме и голема промоција за истиот поради тоа што ќе биде невистина нешто квалитетно и со љубов создадено.

13. Дали некоја од досегашните песни е автобиогравска?

-Се разбира дека има и таква, како што cе “Не верувам во тебе”,” Ме мислиш ли”, “Изгубен”, “Кога лажеш каде гледаш”…

14. Што се смени после Евровизија?

-Излеговме од продукција, мислам дека тоа веќе сите го знаете, имавме концерти, настапи, нови песни сега следи и албумот, така да мислам дека одиме во вистинска насока.

15. Каква музика слушате приватно, дома или во автомобил

-Rock, R’n’b, се што е актуелно и неактуелна 🙂

16. Имате ли идол?

-Се разбира дека имаме, тоа е нашата мајка.

17. Како го користите слободното време?

-Со јахтата одиме и пиеме шампањ…хахах мала шала, со најблиските се разбира.

18. Колку време поминувате пред огледало?

-Најмалку.

19. Дали спортувате?

-Се разбира, млади сме мора да спортуваме, играме фудбал или трчаме на кеј кога имаме време.

 

20. Кога би можеле да промените една работа кај себе, што би било тоа?

-Би ја промениле искреноста, некои луѓе не го заслужуваат тоа, нели?

21. Планови за летото? На која плажа ќе можеме да ги сретнеме Мартин и Стефан?

-Плановите се да го завршиме албумот ако остане време се разбира дека ќе отидеме на некоја посебна плажа, а зашто да не и градската…хахаха

22. Планови за кариера надвор од границите на Македонија?

– Во преговори сме за неколку дуети, кога ќе се оствари тоа ќе дознаете сите.

23. Градејќи ја кариерата веројатно сте се соочувале и со помалку пријатни моменти. Кога ви било најтешко?

-Се разбира има и такви моменти…никој не живее во совршен свет, па така и ние…За Мартин, Стефан и Next Time нема тешки моменти, се е лесно.

24. Колку сте поврзани меѓусебно?

-Ако зборуваме во поглед на музиката, многу сме поврзани, многу лесно се читаме еден со друг.

25. Дали некогаш сте го злоупотребиле тоа што сте толку слични?

-Да неколку пати;-)

26. Дали некогаш сте се скарале за девојка?

-Никогаш, зар девојка да не скара, неможе тоа да се случи.

27. Колку често поклонувате подароци и кој е најоткачениот подарок што сте го подариле?

-Многу често поклонуваме, а за тоа нив ќе ги прашате.

28. Што мислите за познатите имиња во Македонија и со кого најмногу се дружите приватно?

-Па вака, под познати мислите на Владо Јаневски, Каролина Гочева, Наум Петревски, Калиопи, Тони Зен, Слаткар, Мартин Србиновски…за нив имаме најдобро мислење, а приватно се дружиме со Мартин Србиновки некако најискрен е со нас 🙂

29. Нешто што би сакале да додадете,а не ве прашавме?

-ДА, сакаме да додадеме дека Владата на Република Македонија треба да отвори еден музички фонд, како што е филмскиот и се разбира да не подржува финансиски во сето ова што го работиме и твориме, би ни значело многу не само на нас, на сите музичари…

Фала многу и поздрав до сите обожаватели на NEXT TIME, ќе имате уште многу да слушнете од нас, поздрав!