Иран испраќа мајмун во вселената

До средината на месец септември, Иран планира да лансира мајмун во вселената во склоп на нивната вселенска програма, пишува хрватски “Дневник“, пренесува НетПрес.

Мајмунот ќе биде испратен во вселената со ракетата “Кавошгар-4“ која беше тестирана во средината на минатиот месец со вметната кукла во капсулата.

Уште пред неколку години, Иран најави амбициозна вселенска програма, а првиот резултат беше лансирање на “Кавошгар-1“ ракетата во февруари 2008 година. Ракетата “Кавошгар- 2“ е лансирана истата година во ноември , а во февруари 2010 година е лансирана претпоследната ракета во која наводно се наоѓала тест- капсулата со стаорец, желка и црви.

Иран истовремено го негира обвинението дека ја користи вселенската програма за развој на проект за балистички ракети.

Извор: Нетпрес