Jon Bon Jovi ги истегнал лигаментите на коленото

Jon Bon Jovi се повредил на концертот во Финска и ќе мора извесно време да оди на штаки. Групата во Петокот одржала концерт на Олимпискиот стадион во Хелсинки. Jon толку се занел во настапот што во еден момент ги истегнал лигаментите на коленото, но тој сепак продолжил да пее и го издржал концертот до крај како ништо да не му било.

Фановите не треба да се грижат, Јон е во ред и ќе настапи на закажаните концерти, било напишано на службената страница на бендот. Следниот викенд групата ќе настапи во Лондон.