Комунистичкиот Виетнам воведе забрана за користење на Facebook, но тоа не го спречи Марк Цукерберг таму да ги помине празниците.
Цукерберг Бадник го поминал во популарното туристичко место Ха Лонг Беј, објави Trinh Dang Thanh, а пренесува Huffington Post.
Државните медиуми објавиле дека Цукерберг во Виетнам допатувал на 22 декември.
„Цукерберг Божиќ го поминал во еколошка куќа во северниот планински град Сапи и јавал бивол”, изјавил Ле Фуцтиен, заменик директорот во Topas Ecolodgeu.
Цукерберг, 27 годишниот извршен директор на Facebook, ја основал страницата за социјално поврзување во 2004 година.
Виетнамските власти го блокирале пристапот на Facebook и други веб страници, но младите Виетнамци лесно ги заобиколуваат тие ограничувања.