Новата верзија на Android, Ice Cream Sandwich, најверојатно ќе се појави во октомври месец, а уредот кој прв ќе го добие треба да биде Googlephone – Nexus Prime.
Два блога, Android Police и RootzWiki, објавиле фотографии на кои се гледа како ќе изгледа новата верзија на Android.
Визуелни промени и нов интерфејс, засега е прилично темна боја со сини детали, камера со панорамска опција, а исто така и Gmail ќе добие нов изглед кој ќе одговара на новата тема.
Она што се знае од порано е дека новиот Android ќе биде обединета платформа, наменета за паметните телефони, но и за таблет компјутерите.