Карла Бруни ја “нокаутираше” принцезата Кејт! Што на тоа ќе искоментира, баба Бетка?:)

Магазинот “Vanity Fair” ја објави традиционалната листа на најдобро облецени јавни личности – “Best-Dressed List”. Прва е Карла Бруни – Саркози, пејачка, глумица и прва дама на Франција.

Карла наскоро ќе роди близнаци, а нејзините труднички фустани подеднакво се убави и елегантни како и оние кои ги носи на официјалните церемонии каде се појавува заедно со својот сопруг, претседателот на Франција, кој не е наведен на листата на најдобро облечени.

Г – ѓа Саркози е веќе четврти пат на листата “Vanity Faira”, но затоа Кејт Мидлтон премиерно, на трето место.

Кој уште се истакна оваа година, кога е модата во прашање? Припадниците на кралското семејство најдобро од сите знаат да се скоцкаат, но и Мишел и Барак Обама. Првата дама е на листата на најдобро облечени последните четири години, додека нејзиниот сопуг бил во 2009-тата и 2011 година. По три годишна пауза, меѓу најдобро облечени се вратила и Тилда Свинтон, а тука се и Џастин Тимберлејк, Колин Фирт, Кери Малидан…